بتروي للضميان بسنين الجفافي **بتشفي لقلوب العليلة من بلاها
من بنات افكارنا منزرع قوافي **وهالارض يل نزرعا طيب ثراها
والخواطر غلته حمد وعوافي ** والثمار بيشتهيها الما جناها
واليراع بيدنا في له قيافي ** والسطور يلي نخطه ما ثناها
غير ربع تمرسوا بحب المضافي **وعاشروا نسورالجبل باعلى ذراها
بالمعاني والصور جودة ولطافي**والفصاحة قولنا لايم هواها
قولنا ما يخالطه كلمة سخافي** ما تعودنا نخاطب بالسفاها
اخلاقنا تأبى الدنية والهيافي ** وخلقنا ما يحتمل كلمة بلاها
بذرى الريان عشنا عا النضافي **عا المحبة والوفى صدق ونزاها
ما تعودنا التزلف ولزلافي ** راسنا مرفوع شامخ في علاها
وما تعودنا على عيش الرهافي ** ويدنا ما تعودت تقلب قفاها
ما يخالف لو ولدنا يمشي حافي **وما يهم جيوبنا انشمت فضاها
وما يضيم عيالنا عيش الكفافي **وما يعيب رجالنا ترقع عباها
بس نبقا بعزة نفوس ونيافي **والكرامة بيننا عالي لواها
جدنا معروف من قبل الخلافي **ويعربية ستنا طاهر لباها
عا نصال سيوفنا الامجاد غافي **وللبشر راياتنا مشعل هداها
للقلم للسيف حنا وللمضافي ** الاولي من خيولنا ويلي تلاها
ما يخيف جموعنا يوم القطافي **ارواحنا ما يضيرها تبدل غطاها
البطل ما نقبله لو كان خافي **والحقيقة حنا من يعرف خباها
ما لنا عالضيم رقدة وجفن غافي **ربعنا لنه انتخت يرعب حداها
حقوقنا منحصلا والكيل وافي **والذمم بيعرفنا واجب وفاها
فوزي حمشو