يـــابو دانا من زمان القــاف مـِجفي .... والقلب مشــطــون يبغى مـَن يعيده
وين حرفٍ من خطير الضيم يشـفي .... وا حــلاة الــقـاف بالحِلــّة الجـديده
لمســـةٍ لا جـيـتها عالــقــول تضفي .... هاجـــس ٍ مــا كـِلْ صيّــادٍ يصـيده
بين زغــب جْــناحها يا صاح تخفي .... لمعةٍ حـلو المعــاني من رصـــيده
ألـزمــن لا دَرهَـم المـظهــور يعـفي .... والاطلال خـْيال وجروحي شديده
واقفٍ فيهـا واجيب حـْروف وصفي .... من زمــان ٍ مابـــه ايــّام ٍ رغـيده
أدفعـه عنــّي واشــوف بْــحيـل يلفي .... يابو دانا ما لــقــيت ابــْه الحميده
عـــدّني أمشـي على شُــفـّال جـَرفي .... مِحْــذِر الخــطوة ولو كانت بليده
كيف انا لا صار فوق الشوك نصفي .... وما بقي منـّي تصـدّع من نهيده
شلــْت الابكم يا وديدي وقــلت يكفي .... لعـــن ابو دنيا ســــوالفها نــكيده
كيــف انا فـي ديرتي وتــقــول منفي .... هايـــم ٍ حيران وقروشي زهيده
خارج الســرب المـْدَجـّن كان عزفي .... واه مـــن معزوفـةٍ شردا وحيده
أنتــظر عـِلــم ٍ وازيـــد الـيوم لــهفي .... ناطر ٍ ما حرّك الســاعي بريده
هـــاك دمعي محتــقن بجفون حرفي .... صادق ٍ ما هو مقال ٍ في جريده
نيسان /2010