البوابة
فرفح قلبي بإيميل عالمسنجر ضايفـــني *** من اليوزر عرفـت انها بنت رايدتني
عملت لدعوتها قبول و الفرح غامرنــي *** عسى انو تكون اون لاين و تكلمـني
عساها تكون بنت فتحة و ما تناحرنـي *** بنفسي كثير افكار تاخذني و تراودني
و فجأة فاتت عالخط و فورا حاكتنـــي *** رمت علي الوقت و قالت لا تواخذني
شفت بروفايلك و كثيـــــــــر عجبنـــي *** فرحت بكلامها و الأرض ما شالتنـي
قلتلها كلامـــك كثيـــر بشــــرفنــــــي *** حابب اتعرف عابنت بدها تصادقنـــي
قالتلي اني موافقه و معرفتك سرتني *** جن العقل ساعتها و الحب طيــــرنــي
قلت الاسم قالت بالأول صارحنـــي *** عندي ســؤال و لازم عليــــه تجاوبني
قلت امري يا سهم بالقلب جارحني *** قالت انت متزوج و لا تكذب و تلاعبني
شو بدي احكي السؤال حيرنـــــي *** بحكيلها الحقيقة بقلها انه مرتي مشيبتنـي
قالت شكلك متزوج و بدك تسايرني *** قلت فورا لا و بنفسي يارب سامحنـي
اني عازب و نار الوحدة قاتلتنـــي *** قالت ياحرام الله يساعدك و يســاعدني
قلت انتي كمان وضعك بيشبهنـي *** قالت اكثر منــك بس ياريت حدا يفهمني
قلتلا علاجك عندي و الله ألهمني *** قالت عالنت لأ يـــاريت فيـــك تقــابلنــي
وافقت عطول بدون تفكير و تأني *** صار قلبي من الفرحة يرقص و يغنـي
قالت ذوق عحالك شو مفكرنــــي *** هبله اذا مش معاجبتك ليش تـاخذنــــي
حفيت و راي و بكيت لتقابلنـــي *** انصدمت و حسيت في شي خانقنـــــــي
قلت مين قالت اني مرتك تقبرني *** قلت علقت ياربي من هالمشكلي خلصني
و سلامتكن
