البوابة
[size=24
]يالايمي لا تلوم عاشق لو روى +++ حكاية نفس عاشت غريبة مكبلي
ولا تظلم ألي سراج عمره ما ضوى +++ ناطر ليالي السود بلكي بتنجلي
قديش ماتعذب فؤادي وانكوى +++ بنار الفراق الكنت فيها مبتلي
سنين العمر ذابت على نار الجوى +++ ستين كانت بالهموم محملي
ودعتها وقلت الكتاب ألي انطوى +++ بيبقى حكايا للسنين المقبلي
وفتحت دفتر بين طياتو حوى +++ سيرة ربع كلها كرامة ومرجلي
وقلت الزمن بعود يجمعنا سوى +++ختيار عا ملعب صباه المخملي
ويعود ينبض قلب بالحب ارتوى +++ ويغزل على جمع الرفاقة مغزلي
حلم العمر يا نفس بعدو ما ذوى +++ويوم اللقا قرب يجيكي هللي
حنيت الى مهد الطفولي والغوى +++ وبعت الديار ألى هواها مش ألي
وريحت قلبي من عذابو والنوى +++ورجعت لمهبط حياتي الأولي
لبيت الحجر والقتطرة بوادي اللوى +++وبفية الريان أرضي ومنزلي
عفت الهجر واشتقت لنسمة هوى +++ مصفاي من فوق اللجا ومغربلي
وما عاد بدي لا طبيب ولا دوى +++ لتأمت جراحي بديرتي وشوفت هلي
ما عدت خايف لو غصن عمري لوى +++ حولي نشاما شيالين بمحملي[/size]
